Էբոլան այլևս միջազգային վտանգ չի ներկայացնում. ԱՀԿ

Առողջապահության համաշխարհային կազմակերպությունը կոչ է արել երկրներին չեղարկել Գվինեա, Լիբերիա և Սիերա Լեոնե ճամփորդելու և այդ երկրների հետ առևտուր անելու  բոլոր արգելքները:

BBC-ի փոխանցմամբ` դա պայմանավորված է առողջապահության ոլորտում  միջազգային նշանակության արտակարգ դրության ռեժիմի ավարտով:

ԱՀԿ-ի ղեկավար Մարգարեթ Չենը վստահ է, որ Էբոլա տենդով հիվանդանալու և վարակի տարածման վտանգ այլևս չկա:

Արտակարգ դրության ռեժիմը հայտարարվել է 2014-ի ամռանը, երբ գրանցվել էր օրական 100-ից ավելի վարակման դեպքեր:

Էբոլա տենդի  համաճարակը, 2013-ի ավարտին բռնկվելով Արևմտյան Աֆրիկայում, ավելի քան 11 000 մարդու կյանք է խլել: