Թուրքիան կրակ է բացում փախստականների ուղղությամբ, ովքեր փորձում են հատել սահմանը. The Times

Թուրքիայի իշխանությունները կրակ են բացում փախստականների վրա, որոնք փորձում են հատել սահմանը Սիրիայի կողմից, գրում է The Times-ը։

«Թուրքական սահմանապահ զորքերը գնդակահարում են Սիրիայի քաղաքացիական պատերազմից փախչողներին։ 16 փախստականներ, ներառյալ` 3 երեխաներ, սպանվել են վերջին 4 ամիսների ընթացքում»,- գրում է թերթը՝ հղում անելով Լոնդոնում տեղակայված Մարդու իրավունքների մոնիթորինգի սիրիական կենտրոնի տվյալներին։

Բերվում են նաև օրինակներ։ Փետրվարի 6-ին մի տղամարդ և նրա երեխան սպանվել են սիրիական Ռաս էլ Այն քաղաքի մոտակայքում: Մարտի 5-ին 2 ներգաղթյալ սպանվել է սահմանի արևմտյան հատվածում:

Հիմնվելով անանուն մաքսանենգի տվյալների վրա, ով ապօրինի տեղափոխում է ներգաղթյալներին, The Times-ը գրում է, որ փախստականները դեռ շարունակում են հատել սահմանը, սակայն այժմ նրանք ցանկանում են, որ նրանց սպանեն կամ գերի վերցնեն:

Միևնույն ժամանակ, թուրքական իշխանությունները վստահեցնում են, որ շարունակում են կողմ մնալ բաց սահմանների քաղաքականությանն այն սիրիացիների համար, որոնց կյանքը գտնվում է անմիջական սպառնալիքի տակ: