Կանադայի վարչապետը լուսանկարվել է «սիրամարգի» դիրքով (լուսանկարներ)

Կանադայի վարչապետ Ջասթին Տրյուդոն Twitter-ի իր միկրոբլոգում տեղադրել է լուսանկար, որում ինքը գտնվում է յոգայի պրակտիկայում հայտնի «սիրամարգի» դիրքում:

Ինչպես նշում է The New York Daily News-ը, լուսանկարը նոր չէ. այն արվել է 2013թ., սակայն վարչապետը որոշել է տարիներ անց հրապարակել այն:

Լուսանկարը հատկապես դուր է եկել յոգայի մարզիչներին ու դրանով զբաղվողներին, ովքեր շտապել են սոցկայքերում կիսվել լուսանկարով: Ընդհանուր առմամբ, Տրյուդոյի լուսանկարով կիսվել է ավելի քան 4.500 մարդ:

Հայտնի է, որ Տրյուդոյի հայրը, ով պատկերված է ստորև ներկայացված լուսանկարում, ևս զբաղվել է յոգայով ու կարողացել է կանգնել «սիրամարգի» դիրքում: Հետաքրքրական է, որ վարչապետի կինը ևս սերտորեն կապված է յոգայի հետ։