Թուրքիան ավիահարվածներ է հասցրել Իրաքի հյուսիսում

Թուրքիայի ռազմական ինքնաթիռներն ավիահարվածներ են հասցրել Իրաքի հյուսիսում քուրդ զինյալների դիրքերին։

Ինչպես տեղեկացնում է «Անադոլու» գործակալությունը, հարվածների թիրախում եղել են Քուրդիստանի աշխատավորական կուսակցության (PKK) զինապահեստներն ու քրդերի ապաստարանները։

Գործողությանը մասնակցել են F-16 և F-4 կործանիչները։

Թուրքիայի Զինված ուժերի գլխավոր շտաբը նաև հաղորդել է, որ Մարդին նահանգի Նուսայբին շրջանում շարունակվող ռազմական գործողության ընթացքում PKK-ի 24 զինյալ է սպանվել։