Մայամիում մահացել է հայտնի ճարտարապետ Զահա Հադիդը

Արաբական ծագմամբ բրիտանուհի ճարտարապետ Զահա Մուհամեդ Հադիդը մահացել է սրտի կաթվածից  Մայամիի հիվանդանոցներից մեկում: Հադիդը կյանքից հեռացել է  65 տարեկան հասակում:

Այս մասին տեղեկացնում է The Guardian-ը` նշելով, որ հիվանդանոցում  Հադիդը բրոնխիտի բուժման կուրս էր անցնում:

Հադիդը դարձել է առաջին կին ճարտարապետը, ով արժանացել է Պրիտցկերյան մրցանակի: Նրա ճարտարապետական նախագծերի շարքում են Ռոզենթալի Ժամանակակից արվեստի կենտրոնը  Ցինցինատում, Գուանչժոուի Օպերային թատրոնը, Գլազգոյի Ռիվերսայդ թանգարանը և շատ այլ նորարարական և տպավորիչ դիզայն ունեցող կառույցներ: