Ադրբեջանական սոցցանցերը ողողված են տեսանյութերով, որտեղ հստակ երևում է, թե ինչ խուճապ է թշնամու ճամբարում. Հրանտ Մելիք–Շահնազարյան

Քաղաքագետ Հրանտ Մելիք–Շահնազարյանը ֆեյսբուքյան իր էջում գրառում է արել, որում նշում է, որ այսօր ղարաբաղա–ադրբեջանական շփման գծում Ադրբեջանի զինված ուժերի նախաձեռնած հարձակողական գործողությունները, ըստ էության, պատերազմական կարճատև գործողությունների տապալված փորձ էր։ Գրառման մեջ ասված է.
 

«Ադրբեջանի բարձրաստիճան զինվորականները մեկ անգամ չէ, որ խոսել են կարճաժամկետ պատերազմում արագ հաջողությունների հասնելու իրենց պատրաստակամության մասին։ Այն ինչ այսօր տեղի է ունեցել սահմանում, ըստ էության, ադրբեջանական բլիցկրիգի փորձ էր։ Տապալված փորձ։ Ադրբեջանական սոցիալական ցանցերը ողողված են հետաքրքիր տեսանյութերով, որտեղ հստակ երևում է, թե ինչ խուճապ է թշնամու ճամբարում։ Մեծ կորուստներ ունեն և պարզ է, որ հիմա պիտի փորձեն տապալված գործողությունը քաղաքական դաշտ բերեն և գոնե թե այդտեղ հաջողություն ներկայացնեն։

Հուսով եմ՝ սահմանում իրավիճակը հետզհետե կհանդարտվի, բայց շատ կարևոր է, որ թշնամին նաև քաղաքական դաշտում ջախջախվի։ Իրավիճակային փոփոխությո՞ւն էին ուզում, ուրեմն թող ստանան այդ նոր իրավիճակը ու սկսեն անցյալին երանի տալով ապրել»։