PanPhoto-ի բացառիկ ֆոտոշարքը Ստեփանակերտի բժշկական կենտրոնից

16:23 • 02.04.16

Ներկայացնում ենք PanPhoto գործակալության բացառիկ ֆոտոշարքը Ստեփանակերտի բժշկական կենտրոնից, որտեղ բուժում են ստանում ադրբեջանական զինուժի հարձակողական գործողությունների հետևանքով տուժածները։

Տուժածներից Գևորգ Գրիգորյանը ազդրի շրջանի փափուկ հյուսվածքների վնասվածք է ստացել, կատարվել է վիրաբուժական մշակում: Գևորգի զույգ եղբայրն էր Վաղինակ Գրիգորյան, ով այսօր ավելի վաղ մահացել էր։

Վարդան Անդրեասյանը (2004-ին ծնված) ազդրի բազմաբեկոր կոտրվածք է ստացել, տրավմատիկ և հեմոռագիկ շոկ, կատարվել է վիրահատություն:

Tert.am–ն ավելի վաղ տեղեկացրել էր, որ հակառակորդի «Գրադ» կայանքից հրթիռահրետակոծության հետևանքով սպանվել է 12-ամյա տղա, ևս 2 երեխա վիրավորվել են։