Եղանակն՝ այսօր
ԵԱՀԿ ԽՎ նախագահը ԼՂ հակամարտության գոտում զսպվածության կոչ է արել
ԵԱՀԿ Խորհրդարանական վեհաժողովի նախագահ Իլկա Կաներվան (Ֆինլանդիա) և Հարավային Կովկասում ԵԱՀԿ Խորհրդարանական վեհաժողովի հատուկ ներկայացուցիչ Քրիստիան Վիգենինը (Բուլղարիա) կոչ են արել անհապաղ դադարեցնել ռազմական գործողությունները ղարաբաղա-ադրբեջանական շփման գծում:
Այս մասին «Արմենպրես»-ին տեղեկացրել են ԵԱՀԿ մամուլի ծառայությունից:
«Մարտերը պետք է դադարեցվեն: Լեռնային Ղարաբաղի հակամարտությունը մինչ օրս չափից դուրս շատ կյանքեր է խլել չափազանց երկար ժամանակահատվածում: Մենք հորդորում ենք բոլոր կողմերին անհապաղ դադարեցնել կրակը և ցուցաբերել առավելագույն զսպվածություն հետագա լարվածությունից խուսափելու համար»,- նշել են ԵԱՀԿ ներկայացուցիչները` իրենց լիակատար աջակցությունը հայտնելով ԵԱՀԿ Մինսկի խմբին և հակամարտության խաղաղ կարգավորմանը նրանց ցուցաբերած ջանքերին:
Studio One