Եղանակն՝ այսօր
Իրավիճակի վատթարացումը պահանջում է ԵԱՀԿ հովանո ներքու անհապաղ բանակցություններ. ԵԱՀԿ ՄԽ
ԵԱՀԿ Մինսկի խումբը հայտարարություն է տարածել Լեռնային Ղարաբաղի հակամարտության վերաբերյալ:
«Մենք՝ ԵԱՀԿ Մինսկի խմբի (Ռուսաստանի Դաշնություն, ԱՄՆ, Ֆրանսիա, Բելառուս, Ֆինլանդիա, Գերմանիա, Իտալիա, Շվեդիա, Թուրքիա) երկրների, ինչպես նաև գալիք ԵԱՀԿ ավստրիական նախագահության (2017) և ԵԱՀԿ սերբիական նախագահության (2015) ներկայացուցիչներս՝ խստորեն դատապարտում ենք Շփման գծի երկայնքով աննախադեպ բռնությունների բռնկումը: Հակամարտությունը չունի ռազմական լուծում»,- ասված է կազմակերպության կայքում տեղադրված հայտարարությունում:
Ինչպես նշված է հայտարարությունում, իրավիճակի վատթարացումը ցույց է տալիս ԵԱՀԿ համանախագահների հովանո ներքո համընդգրկուն կարգավորման վերաբերյալ անհապաղ բանակցությունների անհրաժեշտությունը:
Մինսկի խմբի անդամ երկրների ներկայացուցիչները հաստատել են իրենց աջակցությունը Ռուսաստանի, ԱՄՆ-ի և Ֆրանսիայի համանախագահների միջնորդության ջանքերի նկատմամբ և ողջունել են կողմերի հետ հնարավորինս շուտ ուղղակի խորհրդակցություններ անցկացնելու նրանց պլանները:
Studio One