Եղանակն՝ այսօր
Արգենտինահայ համայնքը բողոքի ցույց է կազմակերպել Բուենոս Այրեսում Ադրբեջանի դեսպանության առջև
Ապրիլի 5-ին Արգենտինայի հայ համայնքը Լեռնային Ղարաբաղում իրավիճակի սրացման կապակցությամբ բողոքի ցույց է անցկացրել Բուենոս Այրեսում Ադրբեջանի դեսպանության առջև:
Այս մասին հայտնում են ՀՀ ԱԳՆ լրատվական ծառայությունից։
«Ցույցին մասնակցում էին արգենտինահայ համայնքային կառույցների ղեկավարներ, հայ առաքելական եկեղեցու առաջնորդներ և հոգևորականներ, արգենտինահայ մտավորականներ, հայտնի գործարարներ, Բուենոս Այրեսի հինգ հայկական դպրոցների ուսուցիչներ և աշակերտներ կազմը, արգենտինաբնակ ՀՀ քաղաքացիներ:
Բուենոս Այրեսում Ադրբեջանի դեսպանության առջև հնչել են հայրենասիրական երգեր, ՀՀ և Արցախի օրհներգերը, բարձրացվել են ՀՀ և ԼՂՀ դրոշներ, Ադրբեջանի կողմից իրականացվող ագրեսիան դատապարտող պաստառներ:
Բազմաթիվ արգենտինահայ կամավորներ ցանկություն են հայտնել ցուցակագրվել ԼՂ պաշտպանությանը մասնակցելու և աջակցություն ցուցաբերելու համար»,–ասվում է հաղորդագրությունում:
Studio One