Դամասկոսում սիրիահայ զինվոր է զոհվել

Դամասկոսի արվարձաններից մեկում սիրիական բանակի՝ ազգությամբ հայ զինծառայող է զոհվել։

Ինչպես տեղեկացնում է Հալեպի «Գանձասար» շաբաթաթերթի ֆեյսբուքյան էջը, հալեպահայ զոհը Րաֆֆի Գազեզյանն է։

Նրա դին այսօր առավոտյան ուղարկվելու է Հալեպ։ Այլ մանրամասներ չեն հաղորդվում։

Թեև Սիրիայի կառավարությունն ու ընդդիմության խմբավորումների մեծ մասը հրադադարի հարցով համաձայնության են եկել, սակայն կրակի դադարեցումը չի տարածվել այնպիսի ահաբեկչական խմբավորումների վրա, ինչպիսիք են «Իսլամական պետությունը» և «Ջեբհաթ ան-Նուսրան»։ Նրանք շարունակում են պարբերաբար հարձակումներ իրականացնել Դամասկոսում, Հալեպում և այլ շրջաններում։