Քերին չհայտարարված այցով ժամանել է Իրաք

ԱՄՆ պետքարտուղար Ջոն Քերին չհայտարարված այցով ժամանել է Բաղդադ՝  «Իսլամական պետություն» ահաբեկչական խմբավորման դեմ պայքարի վերաբերյալ երկրի բարձրագույն ղեկավարության հետ բանակցությունների համար։ Այդ մասին հայտնել է France-Presse գործակալությունը՝ վկայակոչելով ԱՄՆ պետդեպի ներկայացուցիչ Ջոն Քիրբիին։

Քերին իր այցի շրջանակում կհանդիպի Իրաքի վարչապետ Հայդեր ալ-Աբադիի, Իրաքի արտգործնախարար Իբրահիմ ալ-Ջաաֆարիի և Իրաքի Քուրդիստանի տարածաշրջանային կառավարության վարչապետ Նեչիրվան Բարզանիի հետ։