Բելգիայում ձերբակալվել է Բրյուսելում և Փարիզում ահաբեկչությունների մեջ կասկածվողը

Բելգիայի մայրաքաղաք Բրյուսելի Անդերլեխտ շրջանում ձերբակալվել է Բրյուսելում և Փարիզում ահաբեկչությունների մեջ կասկածվող Մուհամեդ Աբրինը, հայտնում է բելգիական VRT հեռուստաալիքը:

Ձերբակալվածը Բրյուսելի օդանավակայանի պայթեցման մեջ կասկածվող երրորդ ահաբեկիչն էր`«գլխարկով տղամարդը», որին օդանավակայանի տեսախցիկները ֆիքսել էին գլխարկը գլխին:

Մուհամեդ Աբրինը ազգությամբ մարոկացի է` որը կասկածվում էր նաև 2015թ նոյեմբերի  փարիզյան  ահաբեկչության պլանավորման մեջ:

Հիշեցնենք, որ  Բրյուսելի օդանավակայանում և մետրոպոլիտենի տարբեր կայարաններում ահաբեկչությունները  տեղի են  ունեցել այս տարվա մարտի 22-ին, ինչի հետևանքով 33 մարդ  զոհվել, իսկ 250-ը` վիրավորվել էր:

Փարիզում միաժամանակ 6 վայրում ահաբեկչական գործողությունները տեղի էին ունեցել 2015թ նոյեմբերի 13-ին` դառնալով շուրջ 200 մարդու մահվան պատճառ: