Նուրսուլթան Նազարբաևն ապրիլի 11-12-ին կայցելի Իրան

Ղազախստանի նախագահ Նուրսուլթան Նազարբաևն ապրիլի 11-12-ին կայցելի Թեհրան ու իրանցի իր գործընկեր Հասան Ռոհանիի հետ կքննարկի 2 պետությունների միջև առևտրատնտեսական, տրանսպորտային, ներդրումային, գյուղատնտեսական, միջազգային ու տարածաշրջանային անվտանգության բնագավառներում համագործակցության ամրապնդմանն առնչվող հարցերը։

Ինչպես հայտնում է ria.ru-ն, Ղազախստանի ղեկավարը կայցելի Իրան` այդ երկրի նախագահի հրավերով։

Աղբյուրը հավելում է, որ Թեհրանում Նազարբաևն ու Ռոհանին կքննարկեն նաև ավելի վաղ ձեռքբերված պայմանավորվածությունների իրագործման հեռանկարները։