Բելգիայում ձերբակալել են Բրյուսելի ահաբեկչությունների գործով 6-րդ կասկածյալին

Բելգիայում ձերբակալվել է Բրյուսելի ահաբեկչությունների հետ կապ ունենալու մեջ կասկածվող ևս մեկ մարդ. հայտնում է Associated Press-ը։

Նշվում է, որ ձերբակալվածը Օսամա Կ.-ն է։ Այլ տեղեկություններ դեռ չեն հաղորդվում։

Ավելի վաղ Բելգիայի դատախազությունը հաստատել էր Բրյուսելի ահաբեկչությունների գործով 5 կասկածյալների ձերբակալության փաստը։

Մարտի 22-ին պայթյուններ էին որոտացել Բրյուսելի օդանավակայանում ու մետրոյում։ Զոհվել էր 35, վիրավորվել ավելի քան 300 մարդ։

Ահաբեկչության պատասխանատվությունը ստանձնել էր «Իսլամական պետություն» ահաբեկչական խմբավորումը։