Գերմանիայի հակահետախուզությունը նախազգուշացրել է Գերմանիայում պատրաստվող ահաբեկչությունների մասին

«Իսլամական պետություն» ահաբեկչական խմբավորումը մտադիր է Գերմանիայում ահաբեկչական գործողություններ իրականացնել: Այդ մասին Welt am Sonntag թերթին հայտարարել է սահմանադրության պաշտպանության դաշնային գերատեսչության նախագահ Հանս-Գեորգ Մաասենը:

«ԻՊ»-ը նաև ցանկանում է հարձակումներ իրականացնել Գերմանիայի և նրա շահերի դեմ»,- ասել է Մաասենը՝ հավելելով, որ այս պահին կոնկրետ ահաբեկչությունների մասին տեղեկություն չկա:

Հիշեցնենք, որ  Բրյուսելի օդանավակայանում և մետրոպոլիտենի տարբեր կայարաններում ահաբեկչությունները  տեղի են  ունեցել այս տարվա մարտի 22-ին, ինչի հետևանքով 33 մարդ  զոհվել, իսկ 250-ը վիրավորվել էր: