ԻՊ-ի վտարումից հետո հազարավոր իրաքցիներ վերադարձել են Էր Ռամադի

Հազարավոր իրաքցիներ վերադարձել են Իրաքի արևմտյան հատվածում գտնվող Էր Ռամադի քաղաքը, որը ստիպված էին եղել լքել «Իսլամական պետություն» ահաբեկչական խմբավորման ներկայության պատճառով։
 

Ինչպես նշում է Al Arabiya-ն, Իրաքի կառավարական զորքերի ու ԱՄՆ-ի գլխավորած կոալիցիայի ավիահարվածների արդյունքում քաղաքն ազատագրվել է իսլամիստ գրոհայիններից, ինչն էլ հնարավորություն է տվել բնակիչներին վերադառնալ իրենց հայրենի Էր Ռամադի։

Քաղաքապետ Իբրահիմ ալ-Օսաջը պատմել է, որ քաղաքն արդեն մաքրվել է ԻՊ-ի թողած ականներից ու պայթուցիկ նյութերից: Միևնույն ժամանակ, նա ընդգծել է, որ իսլամիստներն ավերել են քաղաքի զգալի մասը:

Պաշտոնյայի խոսքով՝ քաղաքի ազատագրումից ի վեր վերադարձել է ավելի քան 12.000 ընտանիք: