Եղանակն՝ այսօր
Լոս Անջելեսում բնակվող հայ ընտանիքին սպառնացել են իրենց բնակարանից հայկական դրոշ կախելու համար
20:39 • 15.04.16
ԱՄՆ Կալիֆոռնիա նահանգի Տուխունգա քաղաքում բնակվող հայ ընտանիքին սպառնալից երկտող են թողել իրենց տանից հայկական դրոշ կախելու համար: Horizon Weekly-ի փոխանցմամբ` այս մասին հայտնել է Լոս Անջելեսի ոստիկանական բաժանմունքի խուզարկուն:
Ամերիկաբնակ Հասմիկ Չաթալյանը ոստիկանության է դիմել հինգշաբթի ցերեկը` ընտանեկան փոստարկղում սպառնալից երկտողը հայտնաբերելուց հետո:
Երկու երեխաների մայրը պատմել է, որ դրոշը կախել է իր բնակարանից` ի հիշատակ զոհված հայ հերոսների: Ըստ Չաթալյանի երկտողում գրված է եղել. «Դուք կվնասվեք»:
«Սպառնալիքների ենթարկվել իմ սեփական տանը, դա ահավոր էր», -պատմում է Չաթալյանը:
Խուզարկուները երկտողը վերցրել են փորձաքննության ենթարկելու և մատնահետքերը պարզելու համար: Գործով հետաքննություն է սկսվել:
Placeholder
Studio One