Սալվադորում ջրի պակասի պատճառով արտակարգ դրություն է հայտարարվել

Սալվադորի նախագահ Սանչես Սերենը հինգշաբթի օրը՝ ապրիլի 14-ին, հայտարարել է երկրի պատմության մեջ առաջին անգամ ջրի պակասի պատճառով արտակարգ դրություն սահմանելու մասին, հաղորդում է РИА Новости-ն։

Նրա խոսքով՝ կլիմայական փոփոխությունները և Էլ-Նինյո բնական երևույթը կարող են հանգեցնել հումանիտար ճգնաժամի՝ Կենտրոնական Ամերիկայում վերջին չորս տարվա ընթացքում դիտվող տեղումների կրճատման արդյունքում:

Սերենն ընդգծել է, որ ջրի ծավալը գետերում և ջրամբարներում հասել է կրիտիկական ցուցանիշների:

Վերջին մի քանի շաբաթների ընթացքում մայրաքաղաք Սան Սալվադորի արվարձանների բնակիչները հանդես են եկել ջրի պակասի առնչությամբ բողոքի ակցիաներով։