Եղանակն՝ այսօր
Էկվադորի երկրաշարժի զոհերի թիվը հասել է 480-ի
22:45 • 19.04.16
Էկվադորում շաբաթ տեղի ունեցած երկրաշարժի զոհերի թիվը հասել է 480-ի, վիրավոր են ավելի քան 2500 մարդ: Այս մասին հաղորդում է CNN-ը` մեջբերելով Էկվադորի պետական լրատվական գործակալության հրապարակած վերջին տվյալները:
Ինչպես տեղեկացրել է երկրի ներքին գործերի նախարարը` փրկարարական աշխատանքները` տեղի և Լատինական Ամերիկայից եկած օգնական ուժերի կատարմամբ, շարունակվում են հարավամերիկյան երկրում, հատկապես ափամերձ շրջաններում:
Իշխանությունների առաջնահերթ խնդիրը ողջ մնացածներին հայտնաբերելն է, սակայն զգուշացում է տրվել, որ զոհերի թիվը կարող է աճել:
Հիշեցնենք, որ երկրաշարժի ուժգնությունը կազմել է 7.8 մագնիտուտ, որը 1987-ից ի վեր ամենահզորն է Էկվադորում:
Placeholder
Studio One