Կրեմլում անհանգստացած են Ժնևում Սիրիայի հարցով բանակցությունների շուրջ տիրող իրավիճակից. Պեսկով

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Կրեմլում անհանգստացած են Ժնևում Սիրիայի հարցով բանակցությունների շուրջ տիրող իրավիճակից, հայտնում է gazeta.ru-ն։

«Իրավիճակը դյուրին չէ, և, իհարկե, դա որոշակի անհանգստություն է առաջացնում»,-հայտարարել է Պեսկովը։

Ավելի վաղ հաղորդվել էր, որ Սիրիայի ընդդիմության բանակցությունների հարցով բարձրագույն հանձնաժողովը չի կարող համաձայնության գալ միջսիրիական բանակցություններին մասնակցության հարցով։ Բացի այդ, Ժնևում ՄԱԿ-ի և այլ կազմակերպություններում ներկայացուցիչ Ալեքսեյ Բորոդավկինը հայտարարել է, որ Ռուսաստանը զարմացած է սիրիական ընդդիմության հայտարարությունից՝ բանակցություններում իբր դադար վերցնելու վերաբերյալ։