Ֆրանկ-Վալտեր Շտայնմայերը ԵԱՀԿ ՄԽ համանախագահների հետ քննարկել է ԼՂ հակամարտության հարցը

Գերմանիայի արտգործնախարար Ֆրանկ-Վալտեր Շտայնմայերն այսօր Բեռլինում հանդիպում է ունեցել ԵԱՀԿ Մինսկի խմբի  համանախագահների հետ և քննարկել Լեռնային Ղարաբաղում տիրող իրավիճակը:

ԵԱՀԿ գործող նախագահի անձնական ներկայացուցիչ, դեսպան Անջեյ Կասպրշիկը, ով ներկա է գտնվել հանդիպմանը, նշել է, որ միջնորդական ջանքերը կշարունակվեն հակամարտության կարգավորման հարցում:

Նշենք, որ Բեռլինի ԵԱՀԿ գրասենյակում ԼՂ հակամարտության հարցով զեկույց ներկայացնելու մասին նախօրեին հաղորդել էր ԵԱՀԿ ՄԽ ամերիկացի համանախագահ Ջեյմս Ուորլիքը: