Եղանակն՝ այսօր
Բաքվի ռեստորաններից մեկի բակում հրաձգության ժամանակ փամփուշտը դիպել է ԱՄՆ փոխդեսպանի մեքենային
15:32 • 22.04.16
Բաքվի ռեստորաններից մեկի բակում հրաձգության ժամանակ փամփուշտը դիպել է Ադրբեջանում ԱՄՆ փոխդեսպան Դերիկ Հոգանի ավտոմեքենային։ Այդ մասին interfax.ru գործակալությանը հայտնել են ամերիկյան դեսպանատնից։
«Փամփուշտը դիպել է դեսպանի տեղակալ Դերիկ Հոգանի ավտոմեքենային։ Ամեն ինչ տեղի է ունեցել այն վայրի մոտ, որտեղ կայանված է եղել դիվանագետի մեքենան»,- բացատրել են դեսպանատանը:
«Հոգանն այդ ժամանակ մեքենայի մեջ չի եղել, և աշխատակիցներից ոչ ոք չի տուժել»,-հավելել է աղբյուրը՝ նշելով, որ միջադեպի առնչությամբ հետաքննություն է անցկացվում:
Նախնական տվյալներով՝ կոնֆլիկտի պատճառը եղել է խոշոր գումարը: Կոնֆլիկտի մասնակիցներից մեկը հանդիպման է եկել զինված և կրակ է բացել ռեստորանի բակում, ինչի հետևանքով մի քանի հոգի վիրավորվել է:
Placeholder
Studio One