Եղանակն՝ այսօր
Ռուս-հայկական հարաբերությունները շատ դժվար է սասանել. Հայաստանում Ռուսաստանի դեսպան
Ռուս-հայկական հարաբերությունները շատ դժվար է թուլացնել: Այդ մասին լրագրողներին հայտարարել է Հայաստանում Ռուսաստանի դեսպան Իվան Վոլինկինը «Ծիծեռնակաբերդ» այցելությունից հետո:
«Մենք հիանալի հարաբերություններ ունենք, մեր պետությունների ղեկավարները մշտական կապ են պահպանում, և ես կարծում եմ, որ այդպես կլինի միշտ»,- ասել է Վոլինկինը:
Նրա խոսքով՝ կարող են որոշ վիրավորվածություններ, թյուրիմացություններ առաջանալ, բայց դա բոլորովին չի նշանակում, որ ռուս-հայկական հարաբերությունները կանցնեն ինչ-որ մի այլ փուլի:
«Այժմ գերակայում են իհարկե զգացմունքները, բայց ռուս-հայկական հարաբերությունները, որոնք ունեն բազմադարյա պատմություն, շատ դժվար է սասանել»,- ասել է ՌԴ դեսպանը:
Նա նաև նշել է, որ Ռուսաստանը հարաբերությունն է պահում և Հայաստանի, և Ադրբեջանի հետ: «Այստեղ… բանն այն է, որ Հայաստանը Ռուսաստանի համար ռազմավարական դաշնակից է, իսկ Ադրբեջանը՝ ռազմավարական գործընկեր»,- նշել է Վոլինկինը:
Studio One