Եղանակն՝ այսօր
Ավստրիան Հունգարիայի հետ սահմանին ժամանակավոր հսկողություն է սահմանել
Ավստրիայի ոստիկանները սկսել են տրանսպորտի ստուգումներ անցկացնել Հունգարիայի հետ սահմանին՝ Նիկելսդորֆ սահմանային անցակետում, որտեղ անցած տարի գրանցվել է երկիր փախստականների հոսքի հիմնական մասը։
Ինչպես հայտնել է ավստրիական APA լրատվական գործակալությունը, իրավապահ մարմինների աշխատակիցները «ֆիլտրում» են ողջ հոսքը, որը երկիր է մտնում A4 ավտոճանապարհով, որն էլ միացնում է Բուդապեշտը Վիեննայի հետ։
Դեպի Ավստրիա սահմանային անցակետով երթևեկությունն իրականացվում է միայն մեկ գծով, ոստիկանությունը բոլոր բեռնատարներն ուղարկում է ստուգման: Սահմանված միջոցների պատճառով սահմանին արդեն հերթ է ձևավորվել, որը վարորդներից խլում է մոտ մեկ ժամ:
Նիկելսդորֆի հատվածում հսկողության համար նաև ներգրավվել են ավստրիացի զինծառայողները: Ինչպես հայտնել են Բուրգենլանդի ոստիկանությունից, ձեռնարկված միջոցառումները պետք է երաշխավորեն, որպեսզի սահմանի հատումը տեղի ունենա միայն դրա համար նախատեսված կետերում։
Studio One