Էկվադորում երկրաշարժից հետո շարունակվում են մոտ 50 մարդու որոնման աշխատանքները

Էկվադորում դեռևս անհայտ է մնում 48 մարդու ճակատագիր, ովքեր տուժել են հզոր երկրաշարժի հետևանքով, հայտնել է երկրի ռիսկերի կառավարման նախարարությունը։

Գերատեսչության տվյալներով՝ զոհվել է 655 մարդ, ավելի քան 29.000 մարդ շարունակում է մնալ ժամանակավոր կացարաններում։ Փլատակների տակից հաջողվել է դուրս բերել 113 մարդու, փոխանցում է ՏԱՍՍ գործակալությունը:

Էկվադորին օգնել է 27 պետություն: Մայրաքաղաքից ոչ հեռու տեղի է ունեցել Հարավամերիկյան ազգերի միության արտաքին գործերի նախարարների հանդիպումը։

Երկրի ԱԳՆ ղեկավար Գիյոմ Լոնգի խոսքով՝ կազմակերպությունը համաձայնել է օգնություն ցուցաբերել երկրաշարժից տուժած երկրին:

Հիշեցնենք, որ 7.8 մագնիտուդով երկրաշարժը տեղի էր ունեցել ապրիլի 16-ին։