Քննության շահերից ելնելով` այս պահին ոչինչ հրապարակել չենք կարող. Քննչական կոմիտեն՝ պայթյունի փաստի առթիվ

Ավտոբուսի պայթյունի փաստի առթիվ հարուցված քրեական գործի շրջանակներում երեկ ողջ  գիշեր իրականացվել են ակտիվ քննչական միջոցառումներ, սակայն  քննության շահերից ելնելով` այս պահին ոչինչ չի հրապարակվում:

Այս մասին Tert.am-ին հայտնեցին Քննչական կոմիտեի լրատվական ծառայությունից` ի պատասխան հարցի, թե կան արդյո՞ք ձերբակալվածներ, կասկածյալներ և թե՞ ինչ աշխատանքներ են իրականացվել:
«Փորձաքննության եզրակացության մասին կտեղեկացնենք»,-հայտնեցին ՔԿ-ից:

Հիշեցնենք, որ երեկ Երևանի Հալաբյան փողոցի թիվ 11 շենքի մոտ մարդատար ավտոբուսում տեղի է ունեցել պայթյուն. Կան զոհեր և վիրավորներ։