ԱՄՆ-ում կեղծ դեղահաբերից 12 մարդ է մահացել

ԱՄՆ Կալիֆոռնիա նահանգի մայրաքաղաք Սակրամենտոյում 12 մարդ է մահացել ցավազրկող հաբերի չարաշահումից, հայտնում է Lenta.ru-ն:

Ընդհանուր առմամբ, մարտի վերջից գրանցվել է ցավազրկող կեղծ դեղամիջոցից թունավորման 52 դեպք։ Դրանք եղել են հանրահայտ Norco դեղամիջոցի փաթեթավորմամբ։

Հաղորդվում է, որ կեղծ դեղամիջոցներ հայտնաբերվել են նաև Սան Ֆրանցիսկոյում: Այնտեղ բուժհաստատություններ են դիմել 7 հիվանդներ: Բոլոր հիվանդներին հաջողվել է փրկել. նրանց մոտ սրտխառնոց, փսխում, շնչառական դժվարություններ են առաջացել։