Բելգիան Սալահ Աբդեսլամին հանձնել է Ֆրանսիային

Բելգիան Փարիզի ահաբեկչությունների գլխավոր կասկածյալ Սալահ Աբդեսլամին հանձնել է Ֆրանսիային։ Այդ մասին հաղորդում է France 24 հեռուստաալիքը։

Ավելի վաղ Աբդեսլամին մեղադրանք է ներկայացվել Բրյուսելում հատուկ գործողության ընթացքում ոստիկանության աշխատակիցների ուղղությամբ կրակելու համար։

2015 թվականի նոյեմբերի 13-ին Փարիզում իսլամիստ գրոհայիններն ահաբեկչական հարձակումների շարք են իրականացրել, որոնց հետևանքով շուրջ 130 մարդ է զոհվել։