Մարկ Ցուկերբերգի կարողությունը մի քանի ժամում ավելացել է 3.6 մլրդ դոլարով

Facebook  սոցիալական ցանցի հիմնադիր Մարկ Ցուկերբերգի  կարողությունը ամերիկյան NASDAQ  բորսայի աճուրդում  մի քանի ժամում ավելացել է 3.6 մլրդ դոլարով:   Lenta.ru-ի փոխանցմամբ` այս մասին վկայում են Forbes ամսագրի օնլայն վարկանշային աղյուսակի ապրիլի 28-ի տվյալները:

Նշվում է, որ ապրիլի 27-ին` NASDAQ-ի աճուրդի փակման պահին, Facebook-ի բաժնետոմսերը գնահատվում էին 108.9 դոլար, իսկ ապրիլի 28-ին արժեթղթերի գինը հասել է 117.84 դոլարի:

Այժմ Ցուկերբերգը Forbes-ի ամենահարուստ մարդկանց ցուցակում զբաղեցնում է 5-րդ հորիզոնականը` շրջանցելով Oracle-ի հիմնադիր Լարի ԷԼիսոնին: Ցուկերբերգի կարողությունը ներկա պահին  գնահատվում է 50.8 մլրդ դոլար: