Հալեպի հրթիռակոծման հետևանքով հայ մայր ու դուստր են վիրավորվել

Հալեպի բնակելի թաղամասերի հրթիռակոծումն ահաբեկչական խմբավորումների կողմից շարունակվել է նաև կիրակի օրը։

Ընդհանուր առմամբ՝ հրթիռակոծությունների հետևանքով զոհվել է 6, վիրավորվել՝ 43 մարդ։
Ինչպես տեղեկացնում է Հալեպի «Գանձասար» պարբերականի ֆեյսբուքյան էջը, վիրավորների թվում երկու հայուհիներ կան՝ մայր և դուստր։

Նրանք տեղափոխվել են հիվանդանոց, վիճակը մտահոգիչ չէ։

Հիշեցնենք, որ չնայած Սիրիայում փետրվարի 27-ին հաստատված հրադադարին՝ Հալեպում վերջին օրերին իրավիճակը չափազանց սրվել է։

Հալեպի քրիստոնեաբնակ, հայաբնակ թաղամասերի հրթիռակոծությունների հետևանքով վերջին օրերին տասնյակ մարդիկ են զոհվել։ Հաղորդվել է առնվազն 3 հայ զոհի մասին։