Չինաստանում ուսանողի մահվան պատճառով հետաքննում են Baidu որոնողական համակարգի աշխատանքը

Չինաստանի իրավապահ մարմինները հետաքննություն են սկսել Baidu որոնողական ծառայության դեմ՝ ուսանողի մահվան պատճառով։ Նշվում է, որ ուսանողը համացանցում քաղցկեղի բուժման միջոցներ է որոնել, հաղորդում է BBC-ի ռուսական ծառայությունը:

21-ամյա Վեյ Ցզեսին, ով ինֆորմատիկա էր սովորում Սիանում Սիդյանի համալսարանում, մահացել է ապրիլ ամսին:

Նրա մոտ այդ հիվանդությունն ախտորոշվել է 2014 թվականին, և նա ոչ ավանդական բուժում է անցել այն հիվանդանոցում, որը գովազդել է որոնողական համակարգը։

Հետաքննության մասին նորությունների ֆոնին Baidu-ի բաժնետոմսերի արժեքը մոտ 8 տոկոսի անկում է գրանցել Նյու Յորքի Nasdaq բորսայում:

Ինչպես Weibo-ի իր միկրոբլոգում հայտնել է ընկերությունը, նա հիվանդանոցի նկատմամբ հետաքննություն անցկացնելու դիմում է ներկայացրել: Հիվանդանոցը դեռ չի մեկնաբանել տեղի ունեցածը։