ԱՄՆ-ն սկսել է ինքնակառավարվող «որսորդ» նավի փորձարկումները

ԱՄՆ ռազմածովային ուժերը սկսել են ստորջրյա նավերի որոնման համար նախատեսված Sea Hunter («Ծովային որսորդ») ինքնակառավարվող նավի փորձարկումները։ Փորձարկումների սկսվելուց առաջ նավը ցուցադրվել է լրագրողներին Սան Դիեգոյի նավահանգստում, գրում է meduza.io-ն։

Sea Hunter-ը ստեղծել է ԱՄՆ ռազմական գերատեսչության Հեռանկարային պաշտպանական հետազոտական նախագծերի գործակալությունը (DARPA)՝ Leidos ընկերության հետ համատեղ:

Փորձարկումների ժամանակ նավի վրա կլինի անձնակազմը, որը պետք է հետևի նավի համակարգերի աշխատանքին։

Փորձարկումների հիմնական նպատակը նավի ինքնուրույն մանևրելու և այլ նավերի հետ բախումներից խուսափելու ունակությունը ստուգելն է։