Թուրքական ու կոալիցիոն ուժերի ավիահարվածներից Սիրիայում ԻՊ-ի մոտ 50 զինյալ է սպանվել
Թուրքիայի զինված ուժերը ԱՄՆ գլխավորությամբ գործող միջազգային կոալիցիայի հետ համատեղ հարվածներ են հասցրել Սիրիայում «Իսլամական պետություն» ահաբեկչական խմբավորման դիրքերին։
Ինչպես տեղեկացնում է թուրքական «Միլլիյեթ» թերթի կայքը, ռազմական գործողություններին մասնակցել են F-15, F-16 կործանիչներն ու A-10 ռմբակոծիչները։
Երեք հաջող օդային հարձակումների հետևանքով սպանվել է ԻՊ-ի 48 զինյալ։
Սիրիայի տարածքում նաև ահաբեկիչների ռազմական հենակետեր են ոչնչացվել։










