Եռատոնի առթիվ երիտասարդները Ստեփանակերտում ավտոմեքենաներով ֆլեշմոբ են կազմակերպել (տեսանյութ)

Ստեփանակերտում մի խումբ երիտասարդներ մեքենաներով շրջում են մայրաքաղաքի փողոցներով՝ այսպիսով տոնելով մայիսյան հաղթանակի եռատոնը։

Մեքենաների վրա Հայաստանի և Արցախի եռագույնն ամրացրած՝ տղաները դհոլի ձայների ներքո ու «Արցախ» վանկարկումներով պտտվում են, կանգնում մայրաքաղաքի կենտրոնական փողոցներում՝ շուրջպարի։

Գաղափարի հեղինակներից մեկը՝ 17-ամյա Վիտալին, ում ծննդյան օրն է այսօր, Tert.am-ին պատմեց, որ ամեն տարի նման ֆլեշմոբ-ակցիաներ կազմակերպում են։

«Հոգու պարտքն է, ես իմ քաղաքը շատ եմ սիրում, բոլորը, թուրքը պիտի տեսնի, թե ինչ ղոչաղ ջահելներ կան մեզանում»,- նշեց երիտասարդը։

Մանրամասները Tert.am-ի տեսանյութում: