Հյուսիսային Կորեայում անցկացված շքերթը՝ լուսանկարներով

Հյուսիսային Կորեայի մայրաքաղաք Փհենյանում շքերթ է անցկացվել Կորեայի աշխատավորական կուսակցության համագումարի ավարտի պատվին, գրում է gazeta.ru-ն:

Հազարավոր մարդիկ անցել են ԿԺԴՀ-ի մայրաքաղաքի կենտրոնական հրապարակով վարդագույն թղթից պատրաստված ծաղիկներով, գունագեղ փուչիկներով և իշխող կուսակցության կարմիր դրոշներով՝ պատվելով իրենց առաջնորդին:

Շքերթին ներկայացվել են նաև բալիստիկ և տիեզերական հրթիռների նախագծերը:

Շքերթն ընդունել է Հյուսիսային Կորեայի առաջնորդ Կիմ Չեն Ընը, ով համագումարի արդյունքներով նշանակվել է Կորեայի աշխատավորական կուսակցության նախագահ:

Իշխող կուսակցության քառօրյա համագումարին մասնակցել է մոտ 3,4 հազար պատվիրակ: