Սիրիայում ռուս զինծառայող է զոհվել

Սիրիայում  զոհվել է ռուս զինծառայող Անտոն Երիգինը: Այս մասին հայտնում է Meduza  գործակալությունը` վկայակոչելով Սիրիայում «Հմեյմին» ռուսական ռազմակայանի ներկայացուցչին:

Հաղորդվում է, որ զինծառայողը վիրավորվել է ահաբեկիչների իրականացրած ռմբակոծության հետևանքով Հոմս նահանգում, որտեղ նա ուղեկցելիս է եղել հակամարտող կողմերի հաշտեցման ռուսական կենտրոնի մեքենաները:

«Վիրավոր զինծառայողին օպերատիվ կերպով հասցրել են հիվանդանոց, որտեղ ռուսաստանցի ռազմական բժիշկները երկու օր շարունակ պայքարում էին նրա կյանքի համար, սակայն նրան փրկել չի հաջողվել», - ասել է գործակալության աղբյուրը: