Իվետան` կիսաեզրափակչի թագուհի և մեծագույն սենսացիա. իսպանական RTVE-ն Իվետա Մուկուչյանի կատարման մասին

«Հայաստանն իր տպավորիչ ու զգացմունքային ելույթով Եվրատեսիլ-2016-ի առաջին կիսաեզրափակչի սենսացիան էր», - գրում է իսպանական Rtve  ռադիոհեռուստաընկերության կայքը` ներկայացնելով եզրափակիչ անցած մասնակիցներին:

Իվետա Մուկուչյանին ռադիոհեռուստաընկերությունը ներկայացնում է որպես «կիսաեզրափակչի դիվա և թագուհի»:

«Ինչպես սպասելի էր` ֆավորիտ համարվող Ռուսաստանը շեշտը դրել էր բեմականացման վրա, սակայն ի դժբախտություն Սերգեյ Լազարևի՝ երեկոյի մեծագույն սենսացիան Իվետա Մուկուչյանն էր, որին շատերն արդեն սկսել են կոչել «հավանական հաղթող»: Բեյոնսեից  ոգեշնչված տեսքով և էմոցիոնալ կերպարով Իվետան ցույց տվեց, որ ինքն է այս կիսաեզրափակիչի լավագույն ձայնը»,- գրում է  RTVE-ն:

Հիշեցնենք, որ երեկ երեկոյան տեղի ունեցած կիսաեզրափակչի մասնակիցներից 10-ն անցել են եզրափակիչ, որը կայանալու է մայիսի 14-ին: Եզրափակչում հայտնված երկրներն են Հայաստանը, Ռուսաստանը, Ադրբեջանը, Նիդերլանդները, Հունգարիան, Խորվաթիան, Ավստրիան, Կիպրոսը, Մալթան և Չեխիան:
 

Բեյոնսեից ոգեշնչված տեսքով և էմոցիոնալ կերպարով Իվետան ցույց տվեց, որ ինքն է այս կիսաեզրափակիչի լավագույն ձայնը:

Տեսանյութը՝այստեղ: