Բրազիլիայի սենատը քվեարկել է նախագահի պաշտոնից հեռացման գործընթացը սկսելու օգտին

Բրազիլիայի սենատի անդամները հինգշաբթի քվեարկել են նախագահ Դիլմա Ռուսեֆի պաշտոնանկության գործընթացը սկսելու օգտին, հաղորդում է Bloomberg գործակալությունը:

Այդ առաջարկի օգտին է հանդես եկել 55 սենատոր, 22 սենատոր «դեմ» է քվեարկել:

Այդկերպ Ռուսեֆը կհեռացվի պաշտոնից կես տարով՝ մինչև Սենատի կողմից վերջնական որոշում կայացվելը:

Սենատորները մտադիր են օրվա ընթացքում պաշտոնապես հայտնել նախագահին ընդունված որոշման մասին: Իր հերթին՝ Ռուսեֆը պատրաստվում է հանդես գալ հայտարարությամբ նախագահական պալատից հեռանալուց առաջ: