Թուրքիայում քրդերի դեմ գործողության ընթացքում ուղղաթիռ է կործանվել. կան զոհեր

Թուրքական օդուժին պատկանող ուղղաթիռն ընկել է քրդերի դեմ գործողության ընթացքում։
Միջադեպը տեղի է ունեցել Հաքքարի նահանգում։

Ինչպես տեղեկացնում է թուրքական NTV-ի կայքը, ուղղաթիռի երկու օդաչուները զոհվել են։

Ըստ պաշտոնական վարկածի՝ ուղղաթիռի անկման պատճառը եղել է տեխնիկական անսարքությունը, այն չի խոցվել։

Ուղղաթիռը մասնակցել է Քուրդիստանի աշխատավորական կուսակցության՝ PKK-ի դեմ իրականացվող հատուկ գործողությանը։

Թուրքական զինուժը հայտնում է, որ մարտերի ընթացքում 6 քուրդ զինյալ է սպանվել։
Թուրքական կողմից ևս 6 զոհ և 8 վիրավոր է գրանցվել։