Եղանակն՝ այսօր
Կանադայում անտառային հրդեհների պատճառով տարհանված բնակիչների համար «իրազեկող» հավելված է թողարկվել
Կանադական Ալբերտա նահանգի կառավարությունը բջջային հավելված է թողարկել, որը Ֆորտ ՄքՄյուրեյ քաղաքի բնակիչներին թույլ է տալիս տեսնել անտառային հրդեհների պատճառով տարհանված իրենց տների արբանյակային լուսանկարները, հաղորդում է BBC-ի ռուսական ծառայությունը:
Նահանգի քաղաքաշինության հարցերով նախարար Դանիել Լարիվին նախազգուշացրել է, որ այդ պատկերները կարող են տրավմատիկ ազդեցություն թողնել, բայց հավելվածի նպատակը բնակիչներին իրենց տների վիճակի մասին առավել հստակ տեղեկություն տալն է:
ՄքՄյուրեյ քաղաքն անտառային հրդեհների պատճառով երկու շաբաթ առաջ հայտնվել էր կրակի մեջ, ինչի պատճառով ավելի քան 80 հազար մարդ է տարհանվել։
Տարհանված բնակիչները շարունակում են մնալ ժամանակավոր ապաստարաններում՝ սպասելով այն պահին, թե երբ կկարողանան վերադառնալ իրենց տները։
Իշխանությունները հայտարարում են, որ քաղաքի բնակիչների վերադարձի ծրագիրը պետք է մշակվի երկու շաբաթվա ընթացքում, սակայն հրդեհների հետ կապված իրավիճակը մոտ օրերս կարող է վատթարանալ:
Studio One