Եղանակն՝ այսօր
Թուրքիայի և ԻՊ-ի միջև կապը փաստող ապացույցի դեպքում ես հրաժարական կտամ. Թուրքիայի արտգործնախարար
Թուրքիայի արտաքին քաղաքական գերատեսչության ղեկավար Մևլութ Չավուշօղլուն, դիմելով իր ռուս գործընկեր Սերգեյ Լավրովին, ասել է, որ եթե Մոսկվան Թուրքիայի ու «Իսլամական պետություն» ահաբեկչական խմբավորման միջև կապը փաստող ապացույց ներկայացնի` ինքը հրաժարական կտա, հայտնում է hurriyetdailynews.com-ը:
«Ես հրաժարական կտամ, եթե Դուք որևէ ապացույց ներկայացնենք առ այն, որ Թուրքիան օգնում է ԻՊ-ին։ Իսկ եթե Դուք չեք կարող ապացույցներ ներկայացնել այդ պնդումների վերաբերյալ, ուրեմն ես առաջարկում եմ Ձեզ հյուրընկալվել Անթալիայում (Չավուշօղլուի հայրենի քաղաքը) ու մինչև կյանքի վերջ ապրել այնտեղ»,-ասել է Չավուշօղլուն Վիեննայում Սիրիայի աջակցության միջազգային խմբի հանդիպման շրջանակում:
Պաշտոնական Մոսկվան բազմիցս հանդես է եկել պնդումով առ այն, որ Անկարան ամեն կերպ օգնում ու աջակցում է ԻՊ-ին, ինչպես նաև նավթային բիզնես է վարում իսլամիստ ահաբեկիչների հետ:
Studio One