+51. Հնդկաստանում օդի ջերմաստիճանի ռեկորդ է սահմանվել (լուսանկարներ)

Հնդկական Ռաջաստան նահանգի Փհալոդի քաղաքում հինգշաբթի օդի ռեկորդային ջերմաստիճան է գրանցվել՝ +51 աստիճան, ինչն ամենաբարձր ջերմաստիճանն է Հնդկաստանի համար օդերևութաբանական դիտարկումների ողջ պատմության ընթացքում, գրում է Hindustan Times-ը։

Նախորդ ռեկորդը պատկանել է 1956թ. ամռանը, երբ նույն նահանգի Ալվար քաղաքում գրանցվել է +50.6 աստիճան:
 

Ռաջաստանի մեկ այլ քաղաք` Չուրուն, նույնպես թարմացրել է 1914թ. ռեկորդը, այստեղ գրանցվել է +50.2 աստիճան:

Զբոսաշրջիկների շրջանում հայտնի Ջոդհփուր քաղաքում նույնպես ռեկորդ է, ջերմաչափը ցույց է տալիս +48.8 աստիճան: Ռեկորդային ջերմաստիճաններ են գրանցվել նաև Ռաջաստանի այլ քաղաքներում:

Հնդկաստանի օդերևութաբանական վարչությունը նախազգուշացնում է, որ շոգն առաջիկա օրերին միայն կուժեղանա: