Լոնդոնի մետրոյի երկու գիծ օգոստոսից կսկսի աշխատել նաև գիշերը

Լոնդոնի մետրոյի երկու գիծ օգոստոսի 19-ից սկսած կսկսի աշխատել նաև գիշերը, սակայն միայն ուրբաթ և շաբաթ օրերին: Այդ մասին հայտարարել է Մեծ Բրիտանիայի մայրաքաղաքի նոր քաղաքապետ Սադիք Խանը, գրում է BBC-ի ռուսական ծառայությունը:

Նրա խոսքով՝ օգոստոսի 19-ից սկսած գիշերները կաշխատեն շրջանային և «Վիկտորիա» գծերը: Եվս երեք գիծ կսկսի գիշերներն աշխատել աշնանը:

Լոնդոնի մետրոյի մի քանի գիծ պետք է սկսեին աշխատել գիշերները դեռ 2015 թվականի սեպտեմբերից, սակայն մեկնարկը ստիպված են եղել հետաձգել արհմիությունների հետ ձգձգվող բանակցությունների պատճառով:

Այս առիթով մետրոյի աշխատակիցները գործադուլներ են կազմակերպել և պահանջել են բարձրացնել աշխատավարձերը։