Պետդեպը հերքել է Ռուսաստանի հետ Սիրիայում համատեղ հարվածներ հասցնելու մասին քննարկումների լուրերը

ԱՄՆ Պետդեպարտամենտի ներկայացուցիչ Մարկ Թոները հայտարարել է, որ ամերիկյան կողմը Ռուսաստանի հետ երկխոսություն չի վարում Սիրիայում համատեղ օպերացիաների անցկացման վերաբերյալ, ասվում է Պետդեպարտամենտի պաշտոնական կայքում:

«Մենք նրանց հետ չենք խոսում համատեղ օպերացիաների մասին», -ընդգծել է նա:

Թոները մանրամասնել է, որ ԱՄՆ-ն Ռուսաստանի հետ քննարկում է Սիրիայում հրադադարի ռեժիմի կայունացման վերաբերյալ կայուն մեխանիզմի ստեղծման հարցը:

Ավելի վաղ ԱՄՆ պետքարտուղարը կոչ էր արել Ռուսաստանին ճնշում գործադրել Սիրիայի իշխանությունների վրա՝ հրադադարի ռեժիմին հետևելու նպատակով: