Կլինի՞ կոռուպցիայի ու մենաշնորհների դեմ պայքար․ կարծիքներ մտահոգ մասնագետներից. տեսանյութ
Կոռուպցիայի դեմ պայքարի, մենաշնորհների ու շահերի բախման խնդիրների շուրջ վարչապետ Հովիկ Աբրահամյանի հայտնի հայտարարության վերաբերյալ ոլորտի խնդիրներից տեղյակ յուրաքանչյուր մասնագետ իր դիտարկումներն ունի ու տարբերակներ խնդիրների լուծման վերաբերյալ:
«Ես ողջունում են վարչապետի հայտարարությունը: Իհարկե, ժամանակը ցույց կտա, թե դա ոնց կաշխատի»,- Tert.am-ի հետ զրույցում ասաց բիզնես ոլորտում իրավական հարցերով խորհրդատու-փաստաբան, «Կոնցեռն Դիալոգ» փաստաբանական գրասենյակի տնօրեն Սեդրակ Ասատրյանը:
«Թրանսփարենսի ինթերնեշնլ» հակակոռուպցիոն կենտրոնի տնօրեն Վարուժան Հոկտանյանը չափազանց զգուշորեն է մոտենում կոռուպցիայի ու մենաշնորհների դեմ պայքարի հարցում վարչապետի հայտարարությանը: «Կա Տնտեսական մրցակցության պաշտպանության պետական հանձնաժողով, կա Պետական եկամուտների կոմիտե, Ֆինանսների նախարարություն և պետք է, որ այդ մարմիններն արդեն ուղն ու ծուծով ուսումնասիրած լինեին մոնոպոլիաները»,- նշեց Վարուժան Հոկտանյանը:
Իսկ քաղաքագետ Աղասի Ենոքյանի կարծիքով՝ կոռուպցիայի ու մենաշնորհների դեմ պայքար չի ստացվի և առաջիկայում որևէ էական տեղաշարժ չենք արձանագրի:
Մանրամասները՝ տեսանյութում:










