Եղանակն՝ այսօր
Փարիզի մետրոն առաջիկայում կաշխատի առանց տոմսերի
Ֆրանսիայի մայրաքաղաքի մաս կազմող Իլ դը Ֆրանս շրջանի ղեկավար Վալերի Պեկրեսը հայտարարել է մետրոյի տոմսակները շահագործումից հանելու որոշման մասին:
Ինչպես գրում է Euromag-ը, փոքրիկ ուղղանկյուն ձևի ստվարաթղթե տոմսակներն այլևս չեն ընկնի գրպանից, քանի որ Փարիզի և արվարձանների հասարակական տրանսպորտի կառավարմամբ զբաղվող կառույցը մինչև 2021 թվականը կդադարեցնի մայրաքաղաքային մետրոյի տոմսերի վաճառքը:
Երկրամասի ղեկավարը հայտարարել է, որ առաջիկայում Իլ դը Ֆրանսի տրանսպորտի ոլորտի աշխատակիցների արհմիությանը կներկայացվի հասարակական տրանսպորտի արդիականացման ծրագիրը:
Մետրոյի ավանդական տոմսերը կփոխարինվեն տարատեսակ միջոցներով: Մետրոյից օգտվողները կկարողանան սմարթֆոնում ներբեռնել բաժանորդագրությունը հերթական ամսվա համար, իսկ մետրո մտնելիս պետք է սմարթֆոնը մոտեցնեն անցուղուն:
Studio One