Եղանակն՝ այսօր
ԻՊ-ի գրոհայինները նահանջում են Ռաքքայի մերձակայքում քրդական ջոկատների ճնշման տակ
«Իսլամական պետություն» խմբավորման ահաբեկիչները չեն կարողանում դիմակայել «Սիրիական ժողովրդավարական ուժերի» ջոկատների գրոհին Ռաքքայի մերձակայքում: Այս մասին РИА Новости-ին հայտնել է Սիրիայի Հասեկե նահանգի Պաշտպանության քրդական հանձնաժողովի անդամ Նասեր Հաջ Մանսուրը:
Մանսուրի խոսքով՝ ներկա պահին ժողովրդավարական ուժերի առաջնահերթ խնդիրը Ռաքքայի հյուսիսային ծայրամասերը ահաբեկիչներից մաքրելն է, որտեղ որ հաստատվել են ԻՊ-ի գրոհայինները: Հաջորդ փուլը կլինի Սիրիայում խմբավորման այսպես կոչված` մայրաքաղաքի (Ռաքքա) ամբողջական շրջափակումն ու հարձակումը քաղաքի վրա:
Գործակալության զրուցակիցը նշել է, որ մարտական գործողությունների ասպարեզը ձգվում է տասնյակ կիլոմետրեր:
«Մենք դեռևս չենք բախվել որևէ անակնկալի: ԻՊ-ը չի կարողացել պահպանել իր դիրքերից և ոչ մեկը բախումների սկզբից ի վեր, որոնք մենք իրականացնում ենք կոալիցիայի հետ համագործակցելով», - ասել է Մանսուրը:
Studio One