Միջերկրական ծովում եգիպտական A320-ի կործանման վայրից աղետի ազադանշաններ են ստացվել

Airbus ընկերությունը ազդանշաններ է որսացել Միջերկրական ծովում, որտեղ անցյալ շաբաթ կործանվել էր EgyptAir  եգիպտական ավիաընկերության Flight 804 չվերթով Կահիրե թռչող A320 օդանավը: Այս մասին հաղորդում է CNN-ը` հղում անելով Եգիպտոսի «Ալ Ահրամ» պետական լրատվական գործակալությանը:

Հաղորդվում է, որ ազդանշանները ստացվել են ինքնաթիռի վթարային ռադիոհաղորդիչից, որը կարող է ձեռքով կամ ավտոմատ կերպով միանալ հարվածի պահին և անդադար աղետի ազդանշաններ հաղորդել:

Ազդանշանների առկայությունը կտրուկ նվազեցնում է որոնման աշխատանքների իրականացման տարածությունը` այն կրճատելով մինչև 5 կմ-ի:

Հիշեցնենք, որ Փարիզից Կահիրե մեկնող օդանավը ռադարների էկրաններից անհետացել էր մայիսի 19-ին` գտնվելով 11 300 մետր բարձրություններում և  մուտք գործելով Եգիպտոսի օդային տարածք: