Եղանակն՝ այսօր
ՀՀՊ համակարգի տեղակայումը Ռուսաստանի ագրեսիվ գործողությունների պատասխանն է. Լեհաստանի ԱԳՆ
Լեհաստանի արտգործնախարար Վիտոլդ Վաշչիկովսկին հայտարարել է, որ Լեհաստանում հակահրթիռային պաշտպանության համակարգի տեղակայումը Ռուսաստանի ագրեսիվ գործողությունների պատասխանն է, գրում է gazeta.ru-ն:
«Սպառնալիքների Ռուսաստանը դիմում է արդեն երկար տարիներ: Հակահրթիռային պաշտպանությունը դրա պատասխանն է, ամերիկյան զորքերի ներկայությունը դրա պատասխանն է: Մենք չենք կայացնում որոշումներ, որոնց Ռուսաստանը պատասխանում է: Դա Ռուսաստանն է փոխում միջազգային հարաբերությունների բնույթը: Դա Ռուսաստանն է ձգտում Եվրոպայում անվտանգության ճարտարապետության ռադիկալ փոփոխությունների: Դա մենք ենք պատասխանում Ռուսաստանի ագրեսիվ գործողություններին»,- հայտարարել է Վաշչիկովսկին:
Դիվանագետը, միևնույն ժամանակ, նշել է, որ Լեհաստանում ՆԱՏՕ-ի զորքերի ներկայությունն ունենալու է խորհրդանշական բնույթ, այլ ոչ ագրեսիվ:
Վաշչիկովսկին պատասխանել է Ռուսաստանի նախագահ Վլադիմիր Պուտինի հայտարարությանը, ով ասել էր, որ Մոսկվան ստիպված է լինելու արձագանքել Եվրոպայի արևելքում ԱՄՆ ՀՀՊ համակարգի տեղակայմանը, քանի որ դրանում պոտենցիալ վտանգ է տեսնում:
Studio One